الشخصية التانية رجل له في نفسي مكانة خلف فينا فراغا لم ولن يستطيع احد قريب او بعيد ان يملأ ولو ربعه
هو المرحوم عمي فرح الشيخ الملاوي ولمن لا يعرفه ايضا هو من سكان كرقس محلية الشريك كان اخر عمد كرقس وممثل المنطقة في مجلس بربر سنوات عدة وواجهتها مع الحكومة في عهد نميري ومن ثم الاحزاب توفي عام 1994 م اشتهر عمنا المرحوم فرح الملاوي بقوة جسمانية فريدة من نوعها ومنها حكاوي يتناقلها الاجيال في منطقة كرقس وما جاورها ومنها على سبيل المثال لا الحصر : -
1- في بدايات عهد التموين كان الجاز للمنطقة ينقل عبر قطارات البضاعة وسندة كرقس احدي محطات توزيع الجاز ولوالده رحمه الله جنينة بشرق كرقس تحت السندة مباشرة تبعد منها حوالي 2كيلو ونصف طريق كلها رمال يتعب من يمشي فيها بدون ان يحمل شي وكان التوزيع للكل برميل لكل مشروعين اخر برميل مفروض يوزع لفرح واخر رفض الفكرة في اول نقاشها بحجة انو مشروعو كبير والبرميل براهو ما بيكفيهو المسئول عن التوزيع قالو خلاص اصل فضل اخر برميل والصباح نتلاقا في السندة نشوف طريقة لحل المشكلة في ليلو فرح اتوكل على الله ومشا السندة ورفع البرميل فوق ضهروا براهاو بدون مساعدة من احد ومشية واحدة ما ختا البرميل الا جوة في مخزنو وطبعا لا اثر لي جر برميل ولا اثر لكارو ولا عربية جو الجماعة الصباح فتشو البرميل ما ليهو اثر ولا في اثر لي شيلو بعد فترة ولمن كمل البرميل حكي فرح القصة وحل لغز اختفاء البرميل .
2- كان ماشي الشرق ومركب المشرع واحدة جا والجماعة بدفروا في المركب قال لصاحب المركب ارجوني اسلم على اختي وبيتا جمب المشرع واديها الغرض دا قالولو والله الناس اتاخروا والقطر قرب حاول يقنعم رفضوا جميعا ما كضب خبر مسك المركب من راسا وجراها بي ناسا كلها برة الموية ومشا سريع زار اختو وسلما اغراضا وجا راجع والجماعة لحدي ما وصلم ما قدروا يحركوا المركب شبر من مكانا دفرا معاهم ونطا بعد ما غسل كرعينوا قالهم انا ما من الاول قتلكم ارجوني ماكان بقيتو في الدفر دا والتعب على الفاضي .
3 - ودي قصة ما حكاها لي زول بل شفتها بام عيني كنت معه عليه رحمة الله في الخرطوم الديم جوهوا ضيوف اتنين من اصحابو العصر كدا شربوا الموية وسريع قالو ماشين نط قالهم تشربوا معانا الشاي قالوا والله يافرح اتاخرنا وبي نجيك يوم تاني طلعنا معاهم بره وهو زعلان من جيتم السريعة خلاهم دورو العربية وكانت لاند روفر بكس الجماعة مع السلامة مع السلامة ركبو هو طوالي نط ورا العربية ومسكا من ورا من نصها ورفعا فوق لمن هوت العجلات الورا وطبعا هي دفع خلفي فقط عشق صاحبنا قدام العربية لفت في الفاضي ورا لفت في الفاضي اتلفتو ورا العربية لقو فرح رافعا في الهوا طوالي وقفوا المكنة ونزلو ولا قالو ولا كلمة دخلو الديوان ورجو الشاي شربو وقالولو اها بعد الشاي عندك حاجة تاني ولا نستاذن قالهم لا خلاص بعد دا قوموا امشو .
الا رحمك الله والدنا فرح الملاوي بقدر ما بذلت وبقدر ما اعطيت لن يفيك هذا المكان ولو ذرة مما تحمله لك نفسي .
هو المرحوم عمي فرح الشيخ الملاوي ولمن لا يعرفه ايضا هو من سكان كرقس محلية الشريك كان اخر عمد كرقس وممثل المنطقة في مجلس بربر سنوات عدة وواجهتها مع الحكومة في عهد نميري ومن ثم الاحزاب توفي عام 1994 م اشتهر عمنا المرحوم فرح الملاوي بقوة جسمانية فريدة من نوعها ومنها حكاوي يتناقلها الاجيال في منطقة كرقس وما جاورها ومنها على سبيل المثال لا الحصر : -
1- في بدايات عهد التموين كان الجاز للمنطقة ينقل عبر قطارات البضاعة وسندة كرقس احدي محطات توزيع الجاز ولوالده رحمه الله جنينة بشرق كرقس تحت السندة مباشرة تبعد منها حوالي 2كيلو ونصف طريق كلها رمال يتعب من يمشي فيها بدون ان يحمل شي وكان التوزيع للكل برميل لكل مشروعين اخر برميل مفروض يوزع لفرح واخر رفض الفكرة في اول نقاشها بحجة انو مشروعو كبير والبرميل براهو ما بيكفيهو المسئول عن التوزيع قالو خلاص اصل فضل اخر برميل والصباح نتلاقا في السندة نشوف طريقة لحل المشكلة في ليلو فرح اتوكل على الله ومشا السندة ورفع البرميل فوق ضهروا براهاو بدون مساعدة من احد ومشية واحدة ما ختا البرميل الا جوة في مخزنو وطبعا لا اثر لي جر برميل ولا اثر لكارو ولا عربية جو الجماعة الصباح فتشو البرميل ما ليهو اثر ولا في اثر لي شيلو بعد فترة ولمن كمل البرميل حكي فرح القصة وحل لغز اختفاء البرميل .
2- كان ماشي الشرق ومركب المشرع واحدة جا والجماعة بدفروا في المركب قال لصاحب المركب ارجوني اسلم على اختي وبيتا جمب المشرع واديها الغرض دا قالولو والله الناس اتاخروا والقطر قرب حاول يقنعم رفضوا جميعا ما كضب خبر مسك المركب من راسا وجراها بي ناسا كلها برة الموية ومشا سريع زار اختو وسلما اغراضا وجا راجع والجماعة لحدي ما وصلم ما قدروا يحركوا المركب شبر من مكانا دفرا معاهم ونطا بعد ما غسل كرعينوا قالهم انا ما من الاول قتلكم ارجوني ماكان بقيتو في الدفر دا والتعب على الفاضي .
3 - ودي قصة ما حكاها لي زول بل شفتها بام عيني كنت معه عليه رحمة الله في الخرطوم الديم جوهوا ضيوف اتنين من اصحابو العصر كدا شربوا الموية وسريع قالو ماشين نط قالهم تشربوا معانا الشاي قالوا والله يافرح اتاخرنا وبي نجيك يوم تاني طلعنا معاهم بره وهو زعلان من جيتم السريعة خلاهم دورو العربية وكانت لاند روفر بكس الجماعة مع السلامة مع السلامة ركبو هو طوالي نط ورا العربية ومسكا من ورا من نصها ورفعا فوق لمن هوت العجلات الورا وطبعا هي دفع خلفي فقط عشق صاحبنا قدام العربية لفت في الفاضي ورا لفت في الفاضي اتلفتو ورا العربية لقو فرح رافعا في الهوا طوالي وقفوا المكنة ونزلو ولا قالو ولا كلمة دخلو الديوان ورجو الشاي شربو وقالولو اها بعد الشاي عندك حاجة تاني ولا نستاذن قالهم لا خلاص بعد دا قوموا امشو .
الا رحمك الله والدنا فرح الملاوي بقدر ما بذلت وبقدر ما اعطيت لن يفيك هذا المكان ولو ذرة مما تحمله لك نفسي .
عدل سابقا من قبل ود الملاوي في الثلاثاء يونيو 22, 2010 11:31 pm عدل 1 مرات
