كان لي صديق عزيز اسمه مامون عبد الحليم وهو دكتور شايقي جمعتنا الغربة بالمملكة العربية السعودية فبادرني يوما برسالة قصيرة كتب فيها :
يا فارس القبيلة الديمة قدحك بره
ياغيمة الخريف وكت الهجير ان حره
وشك يا بضراع حـاشاهو من الصره
ثابت زي احد ساعة العنج ينجـره
وتوالت بيننا المسادير كالتالي :
ايهاب الملاوي :
ماغيمة الخــريف انت الخـــــريف الدره
وقدحـــك يالتلب نيرانو كـــــابه مجره
فراج كرب حلال عقد ديك المــحن تتبره
وطاى جمردواس لهيب حاشاك من الفره
مامون عبد الحليم :
بيكم ام ضحيان نامت غريره عونا
محروسة البلد ليكم بقت مرهونا
حلالين عقد حـــليتو كـــل ديونا
وسيطانـكم تهز بالدم دوام مدهونا
ايهاب الملاوي :
بلاد شـايق عمـوم بيكم تعلي شـئونا
تتبخــتر دوام فــــوق الخلق مـزيونا
طـــالت للنجوم من فوقا خاته جفونا
وللعوازل يوت مارقاهو داك مامونا
مامون عبد الحليم :
كيفن ما اشـكر فيك واكبر كـومك
يالاسد النتر حاشاك كيف بنلومك
تفزع للضعيف لامن تودر يومك
ايهاب الملاوي :
شكرا بالقديم خليهو اقيف عند حدو
دايرك للجــديد دايمـا تمارنو تسـدو
والمالح الكرب ترجى وتعاين مدو
مامون عبد الحليم :
كرقس واب هشيم بيكم بقت محروسا
وماهمــــاك ناس شالاتا تغتي كروشا
عــــــارفك ياكلس نار اللهيب بتدوسا
خـــليتم يمين زى النمــل والســــوسا
ايهاب الملاوي :
انا في اجتمــاعا فيهو الحجة والدوشا
لي كل الخـــلق حتى الحلوق مهبوشا
لومـاها المعــايش كنا البلد بي نكوسا
مادايرين فراقا بس دايما قليلا قروشا
يا فارس القبيلة الديمة قدحك بره
ياغيمة الخريف وكت الهجير ان حره
وشك يا بضراع حـاشاهو من الصره
ثابت زي احد ساعة العنج ينجـره
وتوالت بيننا المسادير كالتالي :
ايهاب الملاوي :
ماغيمة الخــريف انت الخـــــريف الدره
وقدحـــك يالتلب نيرانو كـــــابه مجره
فراج كرب حلال عقد ديك المــحن تتبره
وطاى جمردواس لهيب حاشاك من الفره
مامون عبد الحليم :
بيكم ام ضحيان نامت غريره عونا
محروسة البلد ليكم بقت مرهونا
حلالين عقد حـــليتو كـــل ديونا
وسيطانـكم تهز بالدم دوام مدهونا
ايهاب الملاوي :
بلاد شـايق عمـوم بيكم تعلي شـئونا
تتبخــتر دوام فــــوق الخلق مـزيونا
طـــالت للنجوم من فوقا خاته جفونا
وللعوازل يوت مارقاهو داك مامونا
مامون عبد الحليم :
كيفن ما اشـكر فيك واكبر كـومك
يالاسد النتر حاشاك كيف بنلومك
تفزع للضعيف لامن تودر يومك
ايهاب الملاوي :
شكرا بالقديم خليهو اقيف عند حدو
دايرك للجــديد دايمـا تمارنو تسـدو
والمالح الكرب ترجى وتعاين مدو
مامون عبد الحليم :
كرقس واب هشيم بيكم بقت محروسا
وماهمــــاك ناس شالاتا تغتي كروشا
عــــــارفك ياكلس نار اللهيب بتدوسا
خـــليتم يمين زى النمــل والســــوسا
ايهاب الملاوي :
انا في اجتمــاعا فيهو الحجة والدوشا
لي كل الخـــلق حتى الحلوق مهبوشا
لومـاها المعــايش كنا البلد بي نكوسا
مادايرين فراقا بس دايما قليلا قروشا