وأبدالكم بأبو النوادر جدنا المرحوم حمزة على حاج رحمة والشهير بحمزة ودعلى عليه رحمة الله ولمن لا يعرفه فهو من سكان المكيسر - الزويرة محلية ابو حمد رجل كريم اشتهر بحبه وصداقته لذوي النفوذ والسلطة وله معهم نوادر واذكر على سبيل المثال لا الحصر :
1- جاء في يوم من الايام للمكي عثمان في دكانه بابو سلم وكان في ازمة زيوت الوابورات ولدي المكي اخر جالون دساه لمن شاف حمزة لمن ساله حمزة قالو والله ما عندي ياحمزة فزعل حمزة وضمر الشر للمكي من الدكان طوالي مشا وقال لناس ابو سلم انتو الدكان عند المكي الطاحونة عند المكي متين تعتمدوا على نفسكم وتسولكم حاجة براكم وقالهم انا عندي ليكم طاحونة ورخيصة في مقرات بمشي اتفقلكم فيها وبعد ما عباهم مشا طوالي على مقرات ويعرف واحد في مقرات زهجان من طاحونتو اقنعوا بان يبيعها له واخيرلو من وجع راسا ، لمن رجع لناس ابو سلم عشان يرتب معاهم لاخذهم لاتمام البيعة علم المكي بمخطط حمزة وطوالي شالوا ليهو جالون زيت وكم غرض كدا من الدكان عشان يراضيهو حمزة قبل هدية المكي واعتذارو وطبعا كان عاقد لسانو مع الجماعة لاحذهم لشراء الطاحونة وفعلا ذهب معهم لمقرات ودخلوا ديوان صاحب الطاحونة وبدات المشاورات استاذن حمزة منهم واخذ الابريق وطلع كانه يريد الخلاء وذهب مباشرة لزوجة صاحب الطاحونة وقالها يا الغبيانة انتي حايمة بي جاي وراجلك داير يبيع طاحونة اولادك اتحزمت المرا ومن مكانه عدل على الديوان وقومت الجوطة حمزة اتلفت على اصحابه وقالهم البيعة دي وكت جابتلها جوطة وشكل خلوها عندي ليكم واحدة احسن منها بس برتبا ليكم في الايام الجاية ورجعوا بخفي حنين ما زعل الجماعة منو ورجع عن انتقامو من المكي بعد الطيبة التمت بينهم ( القصة مسموعة من مصادر عدة ولا اجزم يقينا بها ) .
2 - قيل لحمزة يوما عثمان خضر في كديته نطا من مكانو وكان من المناصرين لعثمان خضر قالهم قولوا كديته في عثمان خضر مش عثمان في كديته وذلك تعظيما لقدر عثمان عنده .
3- وهذه من النوادر التي عايشتها منه عليه رحمة الله واحد من كرقس ساله يوما جدنا حمزة احسن جنينة اولاد خضر في الغويبة ( شرق كرقس ) ولا جنينة الكروزة ( غرب كرقس ) اتلفت يمين وشمال قالهم والله ياولادي دي سمحة بي شرقا ودي سمحة بي غربا .
فعليه رحمة الله كان ذكيا لابعد الحدود وله من النوادر ما يضيق المكان بذكرها
وللحديث بقية
1- جاء في يوم من الايام للمكي عثمان في دكانه بابو سلم وكان في ازمة زيوت الوابورات ولدي المكي اخر جالون دساه لمن شاف حمزة لمن ساله حمزة قالو والله ما عندي ياحمزة فزعل حمزة وضمر الشر للمكي من الدكان طوالي مشا وقال لناس ابو سلم انتو الدكان عند المكي الطاحونة عند المكي متين تعتمدوا على نفسكم وتسولكم حاجة براكم وقالهم انا عندي ليكم طاحونة ورخيصة في مقرات بمشي اتفقلكم فيها وبعد ما عباهم مشا طوالي على مقرات ويعرف واحد في مقرات زهجان من طاحونتو اقنعوا بان يبيعها له واخيرلو من وجع راسا ، لمن رجع لناس ابو سلم عشان يرتب معاهم لاخذهم لاتمام البيعة علم المكي بمخطط حمزة وطوالي شالوا ليهو جالون زيت وكم غرض كدا من الدكان عشان يراضيهو حمزة قبل هدية المكي واعتذارو وطبعا كان عاقد لسانو مع الجماعة لاحذهم لشراء الطاحونة وفعلا ذهب معهم لمقرات ودخلوا ديوان صاحب الطاحونة وبدات المشاورات استاذن حمزة منهم واخذ الابريق وطلع كانه يريد الخلاء وذهب مباشرة لزوجة صاحب الطاحونة وقالها يا الغبيانة انتي حايمة بي جاي وراجلك داير يبيع طاحونة اولادك اتحزمت المرا ومن مكانه عدل على الديوان وقومت الجوطة حمزة اتلفت على اصحابه وقالهم البيعة دي وكت جابتلها جوطة وشكل خلوها عندي ليكم واحدة احسن منها بس برتبا ليكم في الايام الجاية ورجعوا بخفي حنين ما زعل الجماعة منو ورجع عن انتقامو من المكي بعد الطيبة التمت بينهم ( القصة مسموعة من مصادر عدة ولا اجزم يقينا بها ) .
2 - قيل لحمزة يوما عثمان خضر في كديته نطا من مكانو وكان من المناصرين لعثمان خضر قالهم قولوا كديته في عثمان خضر مش عثمان في كديته وذلك تعظيما لقدر عثمان عنده .
3- وهذه من النوادر التي عايشتها منه عليه رحمة الله واحد من كرقس ساله يوما جدنا حمزة احسن جنينة اولاد خضر في الغويبة ( شرق كرقس ) ولا جنينة الكروزة ( غرب كرقس ) اتلفت يمين وشمال قالهم والله ياولادي دي سمحة بي شرقا ودي سمحة بي غربا .
فعليه رحمة الله كان ذكيا لابعد الحدود وله من النوادر ما يضيق المكان بذكرها
وللحديث بقية