رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

    مسابقة بالكاف هل انا رباطابي ؟؟؟؟؟

    شاطر
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    مسابقة بالكاف هل انا رباطابي ؟؟؟؟؟

    مُساهمة  ود الملاوي في الإثنين يونيو 29, 2009 7:34 am

    الاسماء التالية لحلال وجزر بالرباطاب
    أ) اذا عرفتها جميعا وعرفت المناطق التي تنتمي لها فانت رباطابي تستحق ان تكون مرجع لمن لا يعرف شيئا عن الرباطاب

    ب ) واذا عرفت منها 7 او 8 او 9 فانت رباطابي ميه المية تعرف كل ربوع بلدك واهلك
    ج ) واذا عرفت منها 5 او 6 فالحق نفسك وحاول فتش عن ناس المجموعة الاولى ( المراجع )
    د ) اما اذا قل معدل معرفتك عن الخمسة فبنصحك ما تقول انا رباطابي لحدي ما تسال عن كل شبر من رباطابنا الحبيبة
    والاسماء هي :
    1- كدرمة
    2- كامقلي
    3- كرمبساوية
    4- كويفر
    5- كجي
    6- كرجول
    7 - كجرات
    8 - كافركل
    9 - كجنقيلي
    10 - كرنات
    تحياتي وارجو التفاعل من الجميع والرد بالاجابات وكل زول يقولنا صراحة هو من اياتو مجموعة


    عدل سابقا من قبل ود الملاوي في الأربعاء يوليو 01, 2009 11:07 pm عدل 1 مرات
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الأربعاء يوليو 01, 2009 10:13 pm

    الظاهر ياجماعة الخير انو كلنا طلعنا من ناس الفئة (د) لانو البوست ليهو تلاتة ايام وشوهد 22 مرة ولا زول ما قال رايو عشان نصنفو المهم مستنينكم بعد ما تسالو يمين وشمال واتوكلوا على الخالق وقولو عرفتو منهن كم ؟؟؟؟
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الأربعاء يوليو 01, 2009 10:22 pm

    من ناحيتي انا ياجماعة والله بعرف منهن 7 معرفة تامة مش معرفة سماع معرفة وشوفا بالعين يعني زرتهن عديل التلاتة الباقيات ديل شافيهن من كراسة جاري يعني الحمد لله طلعتا من ناس المجموعة (ب) رباطابي ميه الميه وعايزين ناكد ياجماعة اهم شي ما تشفوا بالاول اختبروا نفسكم وادونا النتيجة ويارب نلقانا واحد يطلع من الفئة ( أ) عشان نخليهو مرجع للمنتدى
    avatar
    الرشيد عبد المعروف صديق
    مشرف المنتدى الإسلامي

    عدد المساهمات : 219
    تاريخ التسجيل : 20/05/2009
    العمر : 67

    رد: مسابقة بالكاف هل انا رباطابي ؟؟؟؟؟

    مُساهمة  الرشيد عبد المعروف صديق في الأربعاء يوليو 01, 2009 11:33 pm

    يا ود الملاوي: لك مني أجمل تحية، تعال الناس السمو الجزائر ديل رباطاب والله حظيرة دجاج، كاك كاك كاك ، طيب وكت هم رباطاب ما كانوا يسموا مقرات كمقرات، على كل حال أنا الكافات دي سمعته بي ثلاثة منهم كجي وكجرات وكجنقيلي، مجرد سماع أما الباقي أظنهم في أمريكا اللاتينية، لك ودي.
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الخميس يوليو 02, 2009 12:41 am

    العم الغالي الرشيد حمدا لله بالسلامة اولا وليك وحشة

    تانيا اسماء مناطقنا اغلبها ماخدا اسماء نوبية قديمة ودا ان دل على شي يدل على عراقة واصالة تلك المناطق وقدم الحضارات بها كنا خاتين الركة عليكم انتا وعمنا ابو سعود لكن الهجرة الظاهر عليها عملت فيكم عمايلا غايتو مستنين عمنا ابو سعود
    ربنا يديكم الصحة والعافية
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الخميس يوليو 02, 2009 12:54 am

    تنبيه بسيط للاخوة الاعضاء

    المرجو الاجابة فقط بذكر عدد معرفتك من غير تحديد المناطق التي تنتمي لها وفي اخر المطاف نديكم الحل المثالي ونرجع نقارن اجاباتنا ومستنين البقية الحاضرين والغايبين والسجلو وما زارونا .
    مع امنياتي الصادقة بدوام العافية للجميع

    ابوسعود
    مشرف المنتدى العام

    عدد المساهمات : 87
    تاريخ التسجيل : 19/05/2009
    العمر : 57

    رد: مسابقة بالكاف هل انا رباطابي ؟؟؟؟؟

    مُساهمة  ابوسعود في الخميس يوليو 02, 2009 3:43 am

    نحن قبيل شن قلنا .. ما قلنا ليكم يا جماعة الخير كل واحد يعرف بى نفسه وبى منطقتة من جميع النواحى سكانها واقتصادها وجزائرها .. لو كنتو وريتونا كنا هسع بقينا كلنا من اصحاب الفئة (أ) لكين كدا انكشفنا .... جعجعة كتيرة والواحد فى النهاية يطلع رباطابى تايوان أو من رباطاب برونى ( ليها قصة )
    اكرر يا شباب عرفونا بى مناطقكم على الاقل ... وبلاش من الاسماء لمن لا يرغب وممكن نكتفى بالرموز smc tkg وهكذا ..
    اما اسماء هذه الجزر ومثلها فهى اسماء نوبية واغلبها كان صفة لموصوف ككلمة مقرات مثلاً اصلها موقن ارتى ومعناها جزيرة الكلب ومقطع ارتى معناه بالنوبية جزيرة . .. امبونارتى جزيرة اشجار الدوم وفنتين ارتى جزيرة يكثر فيها النخيل وابدنارتى ملاى بالعشر( هذه الجزر فى منطقة النوبة المصرية ) وعندنا برتى وغيرها وهناك جزر لا تحمل مقاطعها ارتى ولعل لها تفسير اخر و من الاسماء النوبية كذلك الشريك وشرى وكلسيكل وكشوى الخ والله اعلم ... ولعلنا نعود بالتفصيل لموضوع الحضارة النوبية ان شاء الله ...
    نعود لابننا العزيز ايهاب الملاوى جزاه الله خيرا كثيرا على هذا الموضوع ذو الدلالة العظيمة و الغاية النبيلة فله الشكر والتقدير و ارجو من الجميع التفاعل مع هذا الطرح...
    شكلى كده زغت من الاجابة ........... براحة كدا وبدون ما تقولوا لى حد عرفت ست مواقع

    دمتم سالمين

    ابوالقاسم هاشم عبدالله
    ابوسعود
    avatar
    بابكر اليسع

    عدد المساهمات : 20
    تاريخ التسجيل : 21/06/2009

    حل المسابقة

    مُساهمة  بابكر اليسع في الخميس يوليو 02, 2009 7:53 am

    الاخ ملاوى تحية واحترام.
    بالنسبة للمسابقة صاحبك عرف فيهم تسعة الا كدرمة مامتاكد منهامية الميةغايتو يافى الطوينة يافى مقرات وعشان تعرفنى عرفتهم فيهم 3من مقرات و4من كرقس وهن ماحلال معظمهم سواقى والباقيات بين الشريك والباقير.
    بعدين ياخوى باقلى واحدة زكرت اسمها غلط هى ماكرجول الصحيح كرجويل بكسر الجيم على ما اعتقد. كويفر ساقية وكافركل ساقية كامقلى حلة وكجى وكجنقيلى جزرماعايز اذكر اماكنهم بالضبط . ومالك ياخوى بى تنسى كديتانسيت مشاكل المياييس مع ناس كديتا ومالك خليت كلسيكل اظنك نسيت الفطرا الكاربة ديك عند اولاد عمنا الشريف اليسع.بعدين برضو نسيت كحيانا واللة فيها جنس حوت عميان البياضة تقول تمساح والكان كيج اتقول هلى كوفتر.
    تقبل طريقة الاسلوب باقى بندور نقلد كلام اهلنا زمان
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الجمعة يوليو 03, 2009 11:14 pm

    الاساتذة الاجلاء ابو سعود وبابكر اليسع

    مشكورين على المرور والافصاح وكما ذكرت عمنا ابو سعود الهدف والمغزى منها المساهمة في التعريف بمناطقنا باسلوب شيق ويا استاذ بابكر كيف لي ان انسى كديته وكلسيكل وكل الكافات المقترنة بس انا حبيت اذكر المناطق الصغيرة والغير معروفة عشان نسخن المسابقة وشفتا الاثر كلنا طلعنا رباطاب تايوان كما ذكر عمنا ابو سعود اما اذا ذكرنا المناطق القلتها كنا كلنا اتحكرنا في الفئة (أ) وايضا دايما ما تكون السواقي عندنا حلة او حلال حتى وان احتوت على منزل واحد فانا قلتا اسماء لبعض الحلال والمقصود حلال او سواقي ، بعدين اذا كانت اجاباتك بدون مساعدة فنبشر المنتدى بالحصول على اول المراجع مع بعض التصحيح ، لكن لن نستعجل الاجابة والتصويب لترك الباب مفتوحا لمشاركة كل الاعضاء .
    ودمتم بالف خير
    avatar
    بابكر اليسع

    عدد المساهمات : 20
    تاريخ التسجيل : 21/06/2009

    ردود على ردود

    مُساهمة  بابكر اليسع في السبت يوليو 04, 2009 12:37 pm

    الاخ الملاوى من الكلاكلة سلام و من غرفتى المضلمة هاك دا الكلام
    اولا
    احييك تان وتان على طرحك الجمبل جملت وزينت المنتدى بالروائع واللة اللة يزىنك قول امين
    ثانيا
    حقيقة انا ماركزت تمام فى شروط المسابقة بسبب ذكر( كافركل )باقى ماخد فيها علقة ماتتنسى بى جريدة خضرا وانت قلبت المواجع وزى ماسخنتنى قصدت اسخنك واسخن المسابقة كهدف مشترك بينى وبينك ولربما للجميع فى المنتدى.سخنتنى مرة تانية بذكرك (نعرف الرباطابى منو ورباطابى تايوان منو) انا اخير لى زول يجلدنى بالباسطونة مايقلى انت مارباطابى الرباطاب رغم بعدى عنها الا انها تجرى فى دماى جريان عبلة الى عنترة دالو كانو بجرو.انا رباطابى اما وابا وزوجة ان صح التعبير وانت تعرف ابى كرقساوى مخلوط بى نسب ارتل ومقرات والدتى من الشرىك زوجتى من مفرات عشان كدى حاولت اجيب على المسابقة حتى لا اكون من رباطاب تايوان او رباطاب ملاوى بافريقيا عايز اكون رباطابى صرف واتشرف بذلك .
    ثالثا
    قصدقت اذكر ان كافات الجداد دى زى ماذكر الاخ الرشيد بالرباطاب كثيرةصاح كلسيكل معروفة لكن الكدق قد لاتكون معروفة صاح كديتا معروفة لكن كرمادى كجزيرة لا يعرفها حتى معظم الرباطاب الساكنين فى البلد.
    رابعا
    ك ك كا كا كا كااااف كاف كل شكرى لك ومن معك فى المنتدى
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الأحد يوليو 05, 2009 11:34 pm

    الاخ الغالي الاستاذ بابكر اليسع نشكرك اولا وتانيا وتالتا على التفاعل مع البوست

    لكن نخالفك الرأي في إنو الكدق علم في رأسه نار ومن هو الرباطابي الذي لا يعرف الكدق ومسجد الرحمن اذا وجد فيجب علينا وضع فئة جديدة بعد الدال وسمها ما شئت
    وكرجول صحيح هي بكسر الواو وسواء كتبت باليا او بدونها فسيان لمن يعرفها
    نعود وناكد انو الهدف من البوست المساهمة في التعريف بمناطق الرباطاب قاطبة وياريت الكل يتفاعل مع الطرح الاخر لعمنا ابو سعود في المنتدى الاجتماعي و التعريف بنفسو ومنطقتو وكمان لو قدرنا نذكر كل الحلال الموجودة بكل منطقة تكونوا ما قصرتوا وعرفتونا اكتر ونبعد عن نفوسنا شبح التصنيف دا ولا رايكم شنو ؟؟؟

    وبرضو لا يفوتنا تنبيه مهم ما شرطا التعريف للرباطاب او بمناطق الرباطاب فالاخوة الاعضاء من المناطق الأخرى ياريت برضو يعرفونا عن قراهم ومناطقم وياريت نعرف كل شبر في سودانا الحبيب
    دمتم والعافية ليكم توب
    avatar
    الياس كرقس
    مشرف المنتدى الرياضي

    عدد المساهمات : 47
    تاريخ التسجيل : 06/05/2009
    العمر : 49
    الموقع : مشرف

    رد: مسابقة بالكاف هل انا رباطابي ؟؟؟؟؟

    مُساهمة  الياس كرقس في الإثنين يوليو 06, 2009 2:02 pm

    انا عرفتا كجى وكجنقيلىوكامقلي وكافركل والكرمبساوية وكجرات باقى لى والباقيات مانى خابراهن ياقول ناس تيراب برضو والكدق وكلسيكل قبلى وبحرى تقبل مرورى رباطابى متين فى الميه بس مانى قاعد فيها
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الثلاثاء يوليو 07, 2009 2:15 am

    يعني يا الياس بعد دا كلو وكمان تقول رباطابي ميتين المية وانت عرفتا منهن بس خمسة لا انت من ناس الفئة (ج) وجمبك واحد من المراجع بنصحك تلجأ اليه السادسة ما متاكد منها والكدق وكلسيكل ما داخلات معانا يعني حكايتك شربانة شربانة .

    لك مني كل الود

    ربيع الدنيا

    عدد المساهمات : 7
    تاريخ التسجيل : 19/05/2009

    رد: مسابقة بالكاف هل انا رباطابي ؟؟؟؟؟

    مُساهمة  ربيع الدنيا في الثلاثاء يوليو 07, 2009 5:33 am

    ود الملاوي كتب:الاسماء التالية لحلال وجزر بالرباطاب
    أ) اذا عرفتها جميعا وعرفت المناطق التي تنتمي لها فانت رباطابي تستحق ان تكون مرجع لمن لا يعرف شيئا عن الرباطاب

    ب ) واذا عرفت منها 7 او 8 او 9 فانت رباطابي ميه المية تعرف كل ربوع بلدك واهلك
    ج ) واذا عرفت منها 5 او 6 فالحق نفسك وحاول فتش عن ناس المجموعة الاولى ( المراجع )
    د ) اما اذا قل معدل معرفتك عن الخمسة فبنصحك ما تقول انا رباطابي لحدي ما تسال عن كل شبر من رباطابنا الحبيبة
    والاسماء هي :
    1- كدرمة
    2- كامقلي
    3- كرمبساوية
    4- كويفر
    5- كجي
    6- كرجول
    7 - كجرات
    8 - كافركل
    9 - كجنقيلي
    10 - كرنات
    تحياتي وارجو التفاعل من الجميع والرد بالاجابات وكل زول يقولنا صراحة هو من اياتو مجموعة

    كامقلي وكرمبساويةوكافركل ديل في كرقس
    وكجي دي في مقرات بس الباقيات ديل مااااااااااظني
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الثلاثاء يوليو 07, 2009 11:01 pm

    ربيع الدنيا :

    والله يابت الخالة كل الفئات الذكرناهم ما لقيت واحدة نضمك ليها بس باقيلي نسويلك واحدة جديدة كرت ونسميها (هـ ) رباطاب ولكن ........... (هههههههه)
    تحياتي ومشكورة على المرور والمشاركة
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الخميس يوليو 09, 2009 2:40 am

    اها يا جماعة الخير وين البقية الشاركو بس 6 من 34 ولا خايفين من حتة التصنيف دي ما تشيلو هم ياجماعة الخير واتوكلوا جاوبوا ونمشي بعد كدى نشوفلنا بوست جديد للتعريف بالمناطق ولا نرجع لكلام عمنا ابو سعود وكل زول يورينا منطقتو وما جاورا عشان ما نخت نفوسنا في الحتات الضيقة دي .

    والله في المسابقة دي نسويلكم زي الزول الضربتو الكهرباء في نكتة ناس الهيلاهوب مستننكم انشاء الله للحول يعني لازم تجاوبو
    تحياتي وابقوا بالف خير

    سيف الجعلي*

    عدد المساهمات : 2
    تاريخ التسجيل : 30/07/2009

    رد: مسابقة بالكاف هل انا رباطابي ؟؟؟؟؟

    مُساهمة  سيف الجعلي* في الجمعة يوليو 31, 2009 3:06 pm

    هوي السلام عليكم اهلي الطيبين انا عارف نفسي راسب وجايب صفر لاني جعلي ما رباطابي وافتخر بوجودي معكم لا علي الطلاق قلت ما دخلت هنا ما بمرق ساي بلا رد دحين تقبلوا حوامتي ( مروري)
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الجمعة يوليو 31, 2009 11:07 pm

    حوامتك ومرورك على العين والراس سيف الجعلي وما تشيل هم ياريت نلم فيك ونزورك بلادنا دي ذات الاسماء الغريبة والعجيبة
    اتمنالك طيب الاقامة بينا - مليار حبابك

    ام محمود

    عدد المساهمات : 237
    تاريخ التسجيل : 18/05/2009

    رد: مسابقة بالكاف هل انا رباطابي ؟؟؟؟؟

    مُساهمة  ام محمود في السبت سبتمبر 12, 2009 5:45 am

    ود الملاوي كتب:اها يا جماعة الخير وين البقية الشاركو بس 6 من 34 ولا خايفين من حتة التصنيف دي ما تشيلو هم ياجماعة الخير واتوكلوا جاوبوا ونمشي بعد كدى نشوفلنا بوست جديد للتعريف بالمناطق ولا نرجع لكلام عمنا ابو سعود وكل زول يورينا منطقتو وما جاورا عشان ما نخت نفوسنا في الحتات الضيقة دي .

    والله في المسابقة دي نسويلكم زي الزول الضربتو الكهرباء في نكتة ناس الهيلاهوب مستننكم انشاء الله للحول يعني لازم تجاوبو
    تحياتي وابقوا بالف خير
    يديكم عافية كلكم طلعتو رباطاب قشرة
    ساااااكت تلاقاكم من سنة 63 مامشيتو
    على الرباطاب وتحياتي وتقبلو مزحي

    جقيلق

    عدد المساهمات : 6
    تاريخ التسجيل : 01/11/2009

    رد: مسابقة بالكاف هل انا رباطابي ؟؟؟؟؟

    مُساهمة  جقيلق في الثلاثاء نوفمبر 03, 2009 1:39 am

    الاخ ايهاب تحية واحترام ،، نحن طبعاً رباطاب نهر عطبرة يعني الفئة (ي) يعني ممكن نعرفلك تلاتة سمع أضا ماهو شوف عين ،، لكن نحنا برانا بنقوم نعمليكم حركات ذي دي وبتطلعوا ماينص متأكد ... تقبل مروري
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: مسابقة بالكاف هل انا رباطابي ؟؟؟؟؟

    مُساهمة  ود الملاوي في الثلاثاء نوفمبر 24, 2009 12:31 am

    اخي جقيلق مرورك اسعدني
    وما قصرتا تب في معرفة تلاتة ومستنين مشاركتك من نهر عطبرة عشان تعم الفائدة والجميع يتشاركوا المعرفة
    لك مني خالص الود

      الوقت/التاريخ الآن هو الأحد نوفمبر 19, 2017 9:10 pm