رباطاب اون لاين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

5 مشترك

    بدأت لدى اهلنا انفلونزا الطريق والله يستر عليهم من انفلونزا الرقتات

    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    بدأت لدى اهلنا انفلونزا الطريق والله يستر عليهم من انفلونزا الرقتات Empty بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  ود الملاوي الإثنين مايو 11, 2009 11:34 pm

    في عام 2005 وبالضبط في شهر اكتوبر نزلت السودان في اجازتي السنوية وداهمت اذني حينها الأنباء السارة بوصول طريق الاسفلت الى ندي والشريك فتوكلت على الله ونزلت بعربيتي والتي بعد جهد وقدرة قادر استطعت تطويرها الى دفع رباعي لتكمل لي ما تبقا من مشوار الي كرقس وبقية ربوع بلدي الحبييب وبالجد ياجماعة اول ما بديت طريق بربر ابوحمد بدات الاصوات تتغير في العربية والرجفة زادت قلتا ياربي واحد من المساعدات انتها ولا في مشكلة اكيد في العربية وبدات اشك هل في العربية ام من الطريق وقفت بعد 10 كيلو وتفقدت الطريق اولا والمفاجأة ما يسمى طريق في حينها كان طبقة رهيفة من الاسفلت كان مشو اهلنا فيهو بي عجلات كان اتهرا بعد سنة وقلتا في نفسي اكيد دي بدايات العمل ولابد من تكملة وعشان ما اكضب علي نفسي والله ياجماعة نزلت في نهاية الطريق مابين ندي والشريك قصاد الزويرة بالضبط الوكت داك وفي بعض الناس شغالين لقيت واحد قاعد في قريدر وقفتا قريب منو وبعد السلام والبسمة الحلوة ذات طابع ولون بلدي سالتو يابن العم طريقكم دا اللي ورا انتها على كدا ولا عندكم ليهو طبقة تانية وبقفشة قتلو اصلا ختتكم الاولي دي ما شالت سمح، قالي والله على ما اقول شهيد لا في اكيد طبقات تانية وتالتة كمان وتهللت سرائري وودعته بابتسامة احلى وتمنيات بأن يمن الله عليهم بالعافية وهم يجاهدون في الصحراء من أجل بلدنا ورفعتا .

    نزلت الإجازة التانية 2007 ابريل والمرة دي هونداي عديييييل عشان باقي اللاندكروزر ما زالت اثار شفطو للبنزين معلما في جيبي والشي الأهم ياجماعة الخير انو اسفلت من عطبرة لي ابوحمد جوة لحدي الجامع الكبير والمحلية والله وانا بالدمام امني نفسي بالسوق الفوق واكلة سمك وباسطة من رجب وهي ماكانت عالقة بالاذهان منذ دراستنا للثانوي بابوحمد 1989 م .
    ولكن المفاجاة كانت طريق وعمره الان سنة واحدة بداته الحفر والتشققات ومازالت طبقتي وسائق القريدر كما تركتها من 2005 لا جاتا خته تانية ولا تالتة كما وعد وانا ما بقول وعد وهو ليس بيده شي والاكيد هو أن كلامه لي كان من واقع خبرته الظاهرة من اثار السنين في عمل الطرق ولكن للاسف الشركة التي نفذت طريق اهلنا الي الجنة انشاء الله هي التي انهته على حاله وما بلوم الشركة اكيد فهي شركة ربحية تسعا دوما لزيادة الارباح بتقليل نفقاتها والتي قللتها اول شي اكيد بالطبقتين الباقيات ولكني الوم المسئولين من محلية ابو حمد ومن ولاية الدامر ومن وزارة الطرق الاتحادية والسؤال من الذي اعتمد لهذه الشركة بأنها نفذت وانهت اعمال الطريق والادهي والامر هو كيف كان شكل التعاقد وهل اشركوا مسؤلينا في صياغته .
    الآن نسمع عن حوادث تقع بشكل اسبوعي في الطريق ويموت في كل مرة عشرات من اهلنا الطيبين نسال الله لهم الرحمة والمغفرة والى جنات الخلد باذن الله هؤلاء الضحايا من هو المسئول عن دمهم هل هو سائق الباص وتهوره في القيادة ام المسئول الذي صرف للشركة مستحقاتها الأخيرة واكيد شهادة انجاز في طريق انتهى عمره الافتراضي من سنتين ، ام طيبة أهلنا وتسامحهم وتساهلهم .
    أفيدوني أفادكم الله
    نزار باشري
    نزار باشري
    إدارة شبكة رباطاب أون لاين


    عدد المساهمات : 220
    تاريخ التسجيل : 06/04/2009

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  نزار باشري الثلاثاء مايو 12, 2009 2:53 pm

    الغالي ود الملاوي
    تحياتي
    وانت تجتر ذكرى تلك الرحلة الجميلة نحو ديار الرباطاب في سرد رائع جعلني أتخيل نفسي كما لو كنت مرافقا لك يومها
    لقد تسنى لي الذهاب إلي هناك في ربيع 2006 سلكت ذات الدرب حتي ادرك الاسفلت نهايته في منطقة الزويرة وعبرت إلي الضفة الغربية للنيل عبر بانطون سبنس الزويرة
    أخي ود الملاوي غالبا هذه الشركات لاتلتزم بالمواصفات الرئيسة التي أبرمت في عقد الإنشاء وهي تنشد المسألة الربحية لايهمها أن كان هذا الطريق يؤدي إلي الجحيم عوضا عن الرباطاب
    وأهلنا هناك هم ضحية التلاعب الذي يحدث بين المنفذين والمتعاقدين لانه هناك شرط التسليم والذين تسلموا الطريق هم يدركون حجم المخالفات التي إرتكبتها الشركات المنفذه
    قدر اهلنا الرباطاب أن يسعدوا بالطريق وهم يرونها تفتح بابا للتواصل بينهم وبين من تناثروا علي خط النيل حتي الخرطوم جنوبا يرونه واجهة جديدة تطل نحو آفاق أوسع ولايدرك بعضا منهم ان هذه الآفاق هي المنفذ الذي يؤدي الي الجحيم
    حوادث المرور تتذايد فهذه الطريق ليست كبقية الطرق
    قدرنا يا صديقي ان نعود إلي القطار يعفرنا تراب السند والبوادي والقطار له ذكريات جميلة ورائعة لا ضير إن عاد أي نعم سنعود لمسالة التاخير ولكننا في الختام نصل صوب وجهاتنا بسلام
    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  ود الملاوي الثلاثاء مايو 12, 2009 11:14 pm

    اخي ابو تسابيح عمت صباحا

    والله كما قلت ما أحلاه اذا كان في تأخرنا سلامة أرواح أهلنا الطيبين
    فخير من التقدم الذي يلازمه إهمال للحقوق وعدم إشراك لذوي الإختصاص التأخر والعودة لزمن كريمة والاكسبريس وشاي الكربة وسنتدوتشات فول الشريك وحبال وقفاف ابو هشيم وظلام وبرد وصنة ابو ديس وكرقس ودقش
    لك مني كل الود
    الياس كرقس
    الياس كرقس
    مشرف المنتدى الرياضي


    عدد المساهمات : 47
    تاريخ التسجيل : 06/05/2009
    العمر : 56
    الموقع : مشرف

    بدأت لدى اهلنا انفلونزا الطريق والله يستر عليهم من انفلونزا الرقتات Empty ربك يهون

    مُساهمة  الياس كرقس الأحد مايو 24, 2009 1:07 pm

    حبيبنا ايهاب انت شايل هم عربتك تتكسر ولا المواطنين الراحو فى حق الطريق وكرامتو نحمد الله على هذا الطريق الذى يسمى جزافا اسفلت ربما بعد توصيل بورتسودان ابوحمد يصلحوهو وهو برضو نافعنا وبقينا نتغدا عند اهلنا بعد نقوم من الخرطوم الصباح ومايزعج من الحوادث سببه تسابق البصات فى طريق ضيق ومحفر وربنا يصلح الحال وتجى المره الجايه بى كامرى وتلقا بقا كويس
    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  ود الملاوي الأحد مايو 24, 2009 11:45 pm

    اخي الياس كرقس لك التحية

    اولا اخي الحمد لله رب العالمين ما بنقول انو ماهو نقلة للبلد ويسر كتير علينا من المشاق لكن انا بستعرض سلبيات اتمنالا الحلول وزي ما ذكرت انتا الان تسابق سائقي البصات في طريق ضيق ومحفر يعني هنا سببين للحوادث مؤكدة وكل سبب في المسئول عنو اولا اين الجهات الرقابية من مرور وشرطة ووين الضوابط لمنح رخص قيادة مركبات عامة تقل مئات الارواح وانا بعتقد مازال هنالك فجوات في القوانين فمثلا لو وضعت ضوابط تحدد العمر والخبرة والمسئولية ووضع تقييم مثالي لقائدي البصات السفرية لما حصل التسابق من اساسو واين همت رجال المرور في مراقبة هذه الطرق وتحديد سرعات محددة والمواطن ايضا لازم يشارك بالابلاغ عن اي سائق متهور وياليت اذا وضعت تلك الجهات من مرور وشرطة هاتف مجاني للبلاغات تلك وعملت له اعلانات وحفزت المواطن للعمل يدا بيد مع الشرطة والمرور ليتم ردع المتهاونون بالارواح .
    ثانيا طريق محفر وضيق الا يقودك تعبيرك هذا اخي الياس لكلامي في اول البوست انو طريق لم يكمل عامه الرابع حتى ، وانتهي عمره الافتراضي واصبح محفرا ناهيك عن كونه ضيقا في اساسه في طبيعة تتسم بالزحف الصحراوي من كل اتجاه وفي كل منعطف الان تكومت ارتال من الرمال فمن هو المسئول .
    افيدني أفادك الله
    avatar
    صلاح الدين


    عدد المساهمات : 8
    تاريخ التسجيل : 24/05/2009

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  صلاح الدين الخميس يونيو 11, 2009 11:33 am

    الاخ العزيز ايهاب لك منى كل التحايا

    زي ما بيقول المثل القحة ولا صمة الخشم...الحمد لله وصلت بعربيتك سالما وشفت اهلك ووصلت ارحامك

    وعورة الطريق وماسي اهلنا والمصايب وعسر الحياة عندنا ارث طويل ممتد ....العزاء الوحيد هو صبر اهلنا الرباطاب من غير كلل وملل وتظلم كما يفعل غيرنا وتغلبهم على كل المصايب والمحن وبعد دا كلو الحمد لله شاكرين وحامدين ودي نعمة كبيرة. .

    ترجع بنا الذاكرة للوراء واتذكر كم من ماسي وكم من ارواح سلفت وكم من امراة فى المخاض توفيت
    وقليل منهن من ولدت ونفست فى الطريق وكم من قطعت رجله وفقد زراعه بسبب عدم وجود اسعاف ....
    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  ود الملاوي الأحد يونيو 14, 2009 2:27 am

    عزيزي الاخ صلاح الدين كرار

    اولا ما بننكر فضل الله ونعمته علينا وعلى اهلنا بس كايسين للافضل وبحثا عن السلبيات الصاحبتو ومناشدة للمسئولين ومن في ايديهم الحل والربط عسى ولعل نجد من يوصل صوتنا لهم بان هنالك سلبيات واقتراح منا لعض الحلول وكلو عشان نصل ويصلوا اهلنا من والى رباطابنا الحبيب سالمين .
    اذكر في سنة 1996 القريبة اخي صلاح وصلنا من عطبرة لحدي كرقس في خمسة ايام هل في زول بصدق الكلام دا كانت الدنيا خريف والخيران نازلة والطين مالي البلد شرقها وغربها كل ما نمشي لينا شوية نبيت مقطوعين من خور ولا وحلانيين في طين لمن وصلنا بنطون ابو ديس كاننا واصلنوا من اخر الدنيا . نفس المسافة قطعتها بالطريق الجديد في ساعة ونصف تقريبا او اقل فالحمد لله رب العالمين على هذه النعمة
    لك مني كل التحايا وابقا بعافية
    avatar
    ابوسعود
    مشرف المنتدى العام


    عدد المساهمات : 87
    تاريخ التسجيل : 19/05/2009
    العمر : 64

    بدأت لدى اهلنا انفلونزا الطريق والله يستر عليهم من انفلونزا الرقتات Empty دى حقرة عديل

    مُساهمة  ابوسعود الأحد يونيو 14, 2009 6:59 am


    تسلمو يا شباب و يديكم العافية...

    خلونا نقول اولاً الحمد لله على كل حال ... والقحة ولا صمة الخشم زى ما قال صلاح الدين ... و كونه يعملوا طريق دا براها خطوة للامام .. لكين اليس من حقنا ان يكون الطريق لابحمد زى طرق الناس ( قال لى احدهم ان الطريق لا يوجد به أى جسر بالرغم من كثرة الخيران والاودية فى مناطق ندى والكربة وقال عاملين مزلقانات بس .. (تصوروا... )

    والله يا شباب دى حقرة عديل كدى ... ودا كله عشان ما عندنا سيد وجعة ... ناسنا الواصلين نايمين فى العسل .. وما فى كيان موحد والناس مشتتين .. ومختلفين وكل زول فى همه ... و الحكاية دى
    لازم تنتهى باسرع ما يمكن ...
    والله المستعان

    ابوسعود
    ]
    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  ود الملاوي الإثنين يونيو 15, 2009 12:26 am

    يديك العافية عمنا ابو سعود ومنور البوست بتفاعلك انت وبقية الاخوان

    ولكن عمنا ابو سعود انتا وصلاح كرار بتقولو القحة ولا صمة الخشم وحتى القحة فيها انواع هناك قحة من الحلق وهناك اخري من الضلوع فاذا رضينا وقنعنا بالقحة فلتكن احسنها ولا كلامي دا كيف
    لكم مني أجمل المنى
    avatar
    ابوسعود
    مشرف المنتدى العام


    عدد المساهمات : 87
    تاريخ التسجيل : 19/05/2009
    العمر : 64

    بدأت لدى اهلنا انفلونزا الطريق والله يستر عليهم من انفلونزا الرقتات Empty القحة انواع و الشوارع انواع

    مُساهمة  ابوسعود الإثنين يونيو 15, 2009 3:02 am





    تسلم ابن اخى ايهاب

    كلامك مظبوط زى ما قلت القحة انواع ... و الشوارع كمان انواااااع ...

    عندك شارع زلط قوى مكون من عـــدة طبقات .... محــدد المسارات وفيه علامات ....... فيهو كبارى بدون مزلقانات ...... يتحمل فى الصيف و يثبت فى الخريف .... الشمس ما بتصليهو وموية المطر ما بتهريهو ... مواصفاته عالمية ومواده اصلية .. ( يعنى شارع زلط مصلح )

    وفى شارع رملته مفككة وحجارته مشتته وزفته مفاتت .... الشمس تفرقعو .. والمطر تطرقعو ... كله شقوق بى تحت وبى فوق ... ولما يجى الخريف اللوارى عندو تقيـف .. تلقى الخيران عندو رويانة والاودية مليانة ... والبكاسى وحلانة والناس واقفه حيرانه ... (يعنى شارع اى كلام )

    اهــا ... شارعنا ياتـو واحد من ديـل يا ود الملاوى ؟؟؟ و مع اى نـوع من القحة يتطابق .. نأمل انا وصلاح يكون مطابق لى قحة الحلق لانها بتروح بسرعة حمانا الله و اياكم واهل المنتدى ..

    لك خالص ودى / ابوسعود

    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    بدأت لدى اهلنا انفلونزا الطريق والله يستر عليهم من انفلونزا الرقتات Empty رد: بدأت لدى اهلنا انفلونزا الطريق والله يستر عليهم من انفلونزا الرقتات

    مُساهمة  ود الملاوي السبت يونيو 20, 2009 2:36 am

    عمنا ابو سعود لك التحية

    هو والله شارعنا دا بين شارعينك الوصفتهم ديل يعني لاهو لامي الشارع المصلح ولا هو الشارع الاي كلام ما بيصل لدرجة يوقف الناس في الخريف لكن من ناحية انو اتشقق والرملة زانقتو من كل الاتجاهات دي في ، والطبقة رهيفة حبة مطرا على شاحنة شايلالا 150 جوال تمر من مشرقنا التقيل داك بي تخليلا فيهو علامات واضحة ، والادهى والأمر هو ما ذكرو الاخ الياس من تسابق السائقين والمستهترين نسال الله ان نجد من يصغي لنداءاتنا وكلو عشان نحنا واهلنا يصلوا سالمين وبرضوا الحمد لله رب العالمين .
    دمت بالف خير

      الوقت/التاريخ الآن هو الخميس مارس 28, 2024 8:41 am