رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

    اكلات سودانيه لا يعرفها الحناكيش .....

    شاطر

    قرموشه

    عدد المساهمات : 26
    تاريخ التسجيل : 02/06/2009

    اكلات سودانيه لا يعرفها الحناكيش .....

    مُساهمة  قرموشه في الأربعاء يونيو 10, 2009 1:19 am

    ليكم بعض الاكلات السودانية يا رب تعجبكم
    أم تكشو
    تتكون من ورق الخضرة المجفف ويضاف له البصل والزيت وقليل من اللوبيا ( طبعا بالاضافة للملح والشطة)
    ملاح الانقارا
    يتكون من ورق نبات الكركدي بالاضافة للفول السوداني وعطرون ودقيق وهو ملاح لذيذ الطعم
    ملاح الكمبو
    تحرق سيقان الذرة وعندما تتحول لرماد يؤخذ رمادها ويضاف له لوبيا ولبن
    العفوص
    وهو عبارة عن سلطة مثل الجرجير يتكون من ورق أشجار التبلدي وتضاف له الدكوة والبصل
    سناكيلو
    وهو ملاح يتكون من دقيق وسمك جاف ( والله أول مرة أسمع بيهو )
    ملاح مطيعينة
    ويعمل من اللبن وتضاف له الويكة الجافة
    أم دفان
    وهو طعام يتكون من دقيق مخلوط باللبن ويدفن تحت النار حتى ينضج
    أم شيشة
    وهو عصيدة تتكون من دقيق الدخن ويضاف لها السمسم وزيت ولا تحتاج لنار نؤكل هكذا دون قلي (أممممم)
    ضوّاك
    عصيدة تتكون من ذرة تطحن وتضاف اليها دكوة
    أنتقق
    وهي وجبة تتكون من حشرات الصراصير نحمر بالزيت وتؤكل كالتسالي
    ولدول
    هو نبات يقوم في الترع والخيران ويؤخذ ورقه ويضاف له لحم جاف وبصل
    قاسيا
    نوع من الشجر في ورقه يضاف له الفول السوداني ويضاف أيضا اللحم الجاف
    الكراد
    نبات من فصيلة الفاصوليا يضاف له لحم وطماطم ويسمى أيضا دونيب
    ويرتق
    تعمل من بذور نبات الكركدي تبل وتخمر وتضاف لها الويكة وكمبو وبصل
    أم حليبين
    هي دقيق يخلط باللبن ويعمل قراصة تؤكل باللبن أيضا
    سد الحنك
    دقيق ذرة أو قمح يغلى في النار و يضاف له السكر
    سمرونا
    وهي تحلية بعد الوجبات تتكون من دقيق وسكر و سمن وهي مثل البسبوسة
    بجبجي
    وهو عبارة عن مديدة تصنع من لب حب البطيخ
    أم جقوقة
    تتكون من السمسم الذي يعصر في العصارة قبل أن يتحول لامباز
    هنالك أكلات سودانية كثيرة لم نجد لها حروفا لنكتبها لان حروفها تختلف عن اللغة العربية
    avatar
    الرشيد عبد المعروف صديق
    مشرف المنتدى الإسلامي

    عدد المساهمات : 219
    تاريخ التسجيل : 20/05/2009
    العمر : 67

    رد: اكلات سودانيه لا يعرفها الحناكيش .....

    مُساهمة  الرشيد عبد المعروف صديق في الأربعاء يونيو 10, 2009 11:11 am

    الأخت الغالية قرموشة: لك مني أجمل تحية، الظاهر عليك عايزة تطلعينا كلنا حناكيش، من وين جبتي الأسماء دي ، إنت عشت في غرب السودان والله شنو؟ ، على كل حال تشكري على هذا السرد الجميل للأكلات السودانية العريقة، لك ودي.

    ام محمود

    عدد المساهمات : 237
    تاريخ التسجيل : 18/05/2009

    رد: اكلات سودانيه لا يعرفها الحناكيش .....

    مُساهمة  ام محمود في الأربعاء يونيو 10, 2009 1:26 pm

    قرموشة يديك العافي
    والله انا ماحنكوشة لكن
    لكن كلامك دا كلو ماسمعت بيهو
    وبعدين العفوص داشنو ممكن تشرحي لينا
    قرموشة كتر الله خيرك وعليك الله كتري لينا من الحاجات دي
    وخالص ودي
    avatar
    نزار باشري
    إدارة شبكة رباطاب أون لاين

    عدد المساهمات : 220
    تاريخ التسجيل : 06/04/2009

    رد: اكلات سودانيه لا يعرفها الحناكيش .....

    مُساهمة  نزار باشري في الأربعاء يونيو 10, 2009 4:53 pm

    قرموشه كتب:

    ملاح مطيعينة
    ويعمل من اللبن وتضاف له الويكة الجافة
    اختنا قرموشه مساء الخير اطعمة غريبة لم نسمع بها الا قليلا علي سبيل المثال ام تكشو
    لكنى استغرب الملاح الذي يجتمع فيه اللبن والويكة تقريبا اسم على مسمى فعلا ملاح مطيعينة

    على صعيد آخر ملاح مطيعينه ذكرنى قصة رجل رباطابي جلبت له زوجته الفطور وكان قراصه بويكه وبرضو الغداء جابتو كسرة بويكه والعشاء برضو جابتو ليهو قراصة بويكة قالها يا مره ما تنسي شاي الصباح برضو جيبيهو بويكه
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: اكلات سودانيه لا يعرفها الحناكيش .....

    مُساهمة  ود الملاوي في الأربعاء يونيو 10, 2009 10:28 pm

    العزيزة قرموشة تحايا صباحية بحجم اكلاتك السمحة دي

    تانيا والله الليلة عملتينا قاعدة جديدة وشديدة في نفس الوقت للفصل بين الحناكيش وغيرم واكيد 90 % من الناس القايلين نفسم برة زمرة الحناكيش الليلة دفرتيهم دفر باكلاتك دي غايتو ما بكنضب على الله نص اكلاتك دي انا ما عرفتها ، واهم شي جبتيهن من وين ديل واخوف ما اخاف انك تكوني براااك ما عارفاهن الا الليلة من مقالك دا (هههههه) وبصراحة كلو عرفنا الا اكلتك ( أنتقق ) بتاعة الصراصير المشوية دي كمان شنو دي باقيلي الا جاتنا مع الثورة الصناعية الاخيرة ودخول الصينيين للسودان اكيد جابوها لينا معاهم .
    تقبلي مروري وتشكراتي على الأكلات الجميلة دي وحا اعزم نفسي عندك ام شيشة حضري المواد بس ما ترجعي فوق لمقالك .
    لكي مني خالص الود

      الوقت/التاريخ الآن هو الأحد نوفمبر 19, 2017 9:02 pm