رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

    ام تنصح ابنتها ليلة زفافها

    شاطر

    ابوسعود
    مشرف المنتدى العام

    عدد المساهمات : 87
    تاريخ التسجيل : 19/05/2009
    العمر : 58

    ام تنصح ابنتها ليلة زفافها

    مُساهمة  ابوسعود في الإثنين مايو 25, 2009 8:34 am

    نصحت أمامة بنت الحارث ابنتها ( ام إياس ) ليلة زفافها وهى تودعها فقالت :

    أي بنيّــة
    إنك قد فارقت بيتك الذي منه خرجت ووكرك الذي فيه نشأت إلى وكر لم تألفيه وقرين لم تعرفيه ... فكوني له أمة ... يكن لك عبدا
    واحفظي له عشر خصال يكن لك ذخرا ..
    أما الأولى والثانية
    فالصحبة بالقناعة والمعاشرة بحسن السمع والطاعة
    أما الثالثة والرابعة
    فالتعهد لموقع عينيه والتفقد لموضع أنفه
    فلا تقع عيناه منك على قبيح ولا يشمن منك إلا أطيب ريح
    والكحل أحسن الحسن الموصوف والماء والصابون أطيب الطيب المعروف
    وأما الخامسة والسادسة
    فالتفقد لوقت طعامه والهدوء عند منامه ... فإن حرارة الجوع ملهبة
    وتنغيص النوم مكربة
    وأما السابعة والثامنة فالعناية ببيته وماله ... والرعاية لنفسه وعياله
    أما التاسعة والعاشرة
    فلا تعصين له أمرا ولا تفشين له سرا فإنك أن عصيت أمره أوغرت صدره
    وإن أفشيت سره لم تأمني غدره ...ثم بعد ذلك .. إياك والفرح حين اكتئابه
    والاكتئاب حين فرحه فإن الأولى من التقصير والثانية من التكدير
    وأشد ما تكونين له إعظاما أشد ما يكون لك إكراما
    ولن تصلي إلى ذلك حتى تؤثري رضاه على رضاك وهواه على هواك فيما أحببت أو كرهت
    والله يصنع لك الخير
    واستودعتك الله


    ونصحت ام سودانية إبنتها قائلة ...

    يا بت هوي فتحي عينك وابقي نجيضة وفالحة..... قدر ما اجي داخله عليكم القاكي .... هي هي هي .... و قر قر قر ..... تضحكي مع راجلك دا....
    الراجل ما تضحكيلو كتير..... يقوم يحقربك....الراجل اديهو العين الحمرا. .. وان قدرك الله ايدك تلحقيها ليهو لحقيها... ابقي نجيضة.....آآيى..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي....
    وبعدين اوعك واوعك... تقوليلو الجلابية دي سمحة واللا العمه اللابسها دي سمحة... نفسو تقوم تعجبو ... يعرس فوقك.... وبعدين تشربي ما تروي.... واكربيهو بالطلبات.... اوعي تخليلك قرش يبيت في جيبو... واوعك تخليهو يشوف ال...... بيخربن الرجال... و وقت المسلسل التركى يبدأ .... قوليلو أنا دايره اشوف مسلسل الصعايدة واكان اصرعلى التركى جيبي فندكك واقعدي دقي أي حاجة جنبو... ويا ريت لوكانت شطة... ولو كان شافعك جيعان وداير يرضع وبيبكي خليهو في بكاءهو داك لمن المسلسل ينتهي .... وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار... زي البيجري نسيبتو و مرتو طلقانة واللا اندب حظي واللا دفاعنا الشعبي ياهو ديل... واللا النار ولعت بقلبي بطفيها.....اااااااااااي.... عشان تربيلو الزلعة والخلعة............ واوعك تشكريلو حاجة جابها.... ان جاب لك لحم ختي ايدك فوق راسك وقولي ووب علي وووب علي غشوك وادوك الجلافيط.....وان جاب لك فتيل ريحة اول ما تفتحيهو وتشميهو طوالي صرى وشك وقبلي غادي وقوليلو دا شنو يا راجل ؟......الريحة المتل ريحة الفسيخ دي جايبها من وين ؟ غايتو انت مغستك تقد ....... وان جنك نسوان واللا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدر مايقولو نكته واللا يخفف دمو قدامن صري ليهو وشك.... وقوليلو انت ما عندك غير النكتة دي؟ يا خي عملت لينا بها وجع وش.....
    اكان دير يشيل حاجة من البيت لى اهلو واللا اخواته قوليو دا حق العيال كفى بيتك الاول ..
    اكان جنك صاحباتك انتبهى كويس اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش ..... وتلقيهو يضحك بلا سبب... حتى ان واحدة قحت ساكت ... يقعد يضحك ويقهقه ...... اديــه العين الحمرا ....واوعك تخليهو معاهن وتدخلي المطبخ تسويلك شربات ..... وحات الله بنات الزمن دا ان غفلت من راجلك دقيقة بس تلقيها عرستو... ااااااى... اسمعى كلام امك يا بت حشاى .. امك دايرة مصلحتك .. ااااى

    أسأل الله ان لا تسمع هذه كلام امها المجنون دا و لو سمعتو راح توديها فى ستين داهية

    ابوسعود
    avatar
    الرشيد عبد المعروف صديق
    مشرف المنتدى الإسلامي

    عدد المساهمات : 219
    تاريخ التسجيل : 20/05/2009
    العمر : 68

    رد: ام تنصح ابنتها ليلة زفافها

    مُساهمة  الرشيد عبد المعروف صديق في الثلاثاء مايو 26, 2009 1:10 am

    الغالي أبو سعود: لك مني أجمل تحية، يا راجل قطعت مصارينا، الله يجزيك عنا كل خير، غايتو أنا متوكل على الله وطابع السمح والزين وموديهو لأم كريم، ونسأل الله أن يجيب العواقب سليمة، مشكور على هذا الموضوع الدسم، ولك ودي.

    ام محمود

    عدد المساهمات : 237
    تاريخ التسجيل : 18/05/2009

    رد: ام تنصح ابنتها ليلة زفافها

    مُساهمة  ام محمود في الثلاثاء مايو 26, 2009 2:14 am

    يديكـ العافية ابو سعود
    امامة بنت الحارث امراة حكيمة
    ياليت النساء كلهن مثلها
    اما السودانية دايرا تخرب بيت بنتها بيدها
    وتحياتي
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: ام تنصح ابنتها ليلة زفافها

    مُساهمة  ود الملاوي في الثلاثاء مايو 26, 2009 4:22 am

    سلمت يداك عمنا ابو سعود تسلم على الموضوع الرائع وبالجد ياها السودانية البتنصح كدا ولا بلاش
    تقبل مروري وتحياتي

    ابوسعود
    مشرف المنتدى العام

    عدد المساهمات : 87
    تاريخ التسجيل : 19/05/2009
    العمر : 58

    رد: ام تنصح ابنتها ليلة زفافها

    مُساهمة  ابوسعود في الخميس مايو 28, 2009 1:47 am

    مشكورين اعزتى .. اظن نحن اخدنا السمح والزين يا ابا كريم . من اماتنا وحبوباتنا وهم ورثو وصية بنت الحارث وسوف ننقلها لبناتنا ان شاء الله .... اما وصية اختنا السودانية العاوزه بنتها تدق الشطة وقت المسلسل دى .. ما اظن بتها بيتوافقها على الكلام دا لانو بنتها عارفه انها ما لقت الراجل دا بسهولة حتى لو بجيب اللحم جلافيت ..
    دمتم جميعا بخير

    ابوسعود
    avatar
    نزار باشري
    إدارة شبكة رباطاب أون لاين

    عدد المساهمات : 220
    تاريخ التسجيل : 06/04/2009

    رد: ام تنصح ابنتها ليلة زفافها

    مُساهمة  نزار باشري في الخميس مايو 28, 2009 5:57 am

    الأخ الغالي ابو الشهيد ( سعود)
    ليت كل النساء امامة بنت الحارث ولو كن نساء الارض مثلها ماوجدت مثل هذه المشاكل والقضايا التي تمتلئ بها ادراج المحاكم هي إمراة ناضجة ونصيحتها تعد بلسما وعلاجا ناجعا لكل أسرة تريد أن تحيا وتعيش في حب وسلام
    أما السودانية فهي لا تقدم نصيحة بقدر ما تعجل بهدم منزل بنتها ولعله فهم سائد عند بعض النسوة في بلادي يفعلن ذلك وهن يحسبن انهن يحسن صنعا وعندما يحل الخراب تحمل بنتها المسؤولية
    تحياتي واحترامي

    ابوسعود
    مشرف المنتدى العام

    عدد المساهمات : 87
    تاريخ التسجيل : 19/05/2009
    العمر : 58

    ليتهن جميعهن كبنت الحارث

    مُساهمة  ابوسعود في الأحد يونيو 07, 2009 6:47 am

    صحيح اخى ابا تسابيح ... كانت النساء فيما مضى تظن ان الحياة الزوجية معركة بين الرجل والمرأة ولكى تفوز المرأة بالاستدامة فى بيت زوجها لابد ان تربطة بالعيال وبتكسير جناحيه ... هكذا توصيها امها ... ويحسبن انهن يحسن صنعا ... الى تعود الزوجة خاسرة كسيرة الى اهلها .. فتحملها الام (صاحبة النصحية ) الفشل .... وتزوغ الام من المسئولية كما تفضلت ..
    الحياة تغيرت كثيرا وصارت تبنى على التفاهم والتكامل بين الزوجين واصطحاب نصيحة امامة بنت الحارث واجبة لكل ام توصى ابنتها ..
    اشكرك اخى اباتسابيح ولك ودى
    ابوسعود

      الوقت/التاريخ الآن هو الجمعة نوفمبر 16, 2018 4:21 pm