رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

    مقطفات من أشعار شاعر الرباطاب النحاس

    شاطر
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    مقطفات من أشعار شاعر الرباطاب النحاس

    مُساهمة  ود الملاوي في الجمعة مايو 07, 2010 11:11 pm


    إنتظرونا


    قريبا



    جدا




    _________________
    من مــــــــلاوي بهديكم سلام بالجملة
    في ام ضحيان هناك مركز رئاسة الحملة
    بدرا في السما حاتـكون اكيد مكتملة
    شاحــدك بالخلق اطراها قول بسم الله
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    أسباب قفل الملاحة

    مُساهمة  ود الملاوي في السبت مايو 08, 2010 11:14 pm

    سلام يا أهلنا بي غادي كيف القصة وأسلوبا
    أنا طبعا ناوي الزيارة لوكان تبقى مكتوبة
    قالوا قفلتو الملاحة برة الحتة مزروبة
    مشرع من جدود الجد قالولنا اتزرع لوبا
    أصلح الحجة يا شيخنا وحد صف العروبة
    دولة الفتنة اسرائيل ينسحب برة مندوبا
    وأيضا أمريكا الخاينة جيوشم تبقى مسحوبة
    مقرات سيدا مو واحد أم العامة حبوبة
    وطنا وهيلنا أسيادا ناس من برة يحكوبا
    نعزها هي عازانا نغني ندقو واندوبا
    والبتعدى بنهينو لامن بعلن التوبة
    أرضك خصبة جزيرة قرير مش قلعة بادوبة
    نحن عباسية ميه الميه لافرتيت ولا نوبة
    نكرم للبعرفو صحيح وديك بالعكس مقلوبة
    *******
    لامن نوصلا نادي النخيل ليهو شعار بتشترك
    مني هاك الراس والضلوف من هناك بتجيك سن برك
    هم أهل العز والأصل كل واحد واقف سلك
    بي يجيك تسجيل في شريط تسمع القرقير والضحك
    الريس ود أحمد علي التساعي أب ريحة مسك
    كلهم زي ما قال دقاق أضعفم زي شعر الإبك
    تركة من نعمان وسلمان واضحة وكت الصف يشتبك
    كل واحد عندو صهال تلقى ماسك السيف مورك
    عندهم تاريخ للشعر وأصلو سيد الحق مابشك
    يسووهو زي ما سوى العويد يدعك القدامين دعك





    عدل سابقا من قبل ود الملاوي في الإثنين مايو 10, 2010 5:46 am عدل 1 مرات


    _________________
    من مــــــــلاوي بهديكم سلام بالجملة
    في ام ضحيان هناك مركز رئاسة الحملة
    بدرا في السما حاتـكون اكيد مكتملة
    شاحــدك بالخلق اطراها قول بسم الله
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    مركب الورثة

    مُساهمة  ود الملاوي في الإثنين مايو 10, 2010 5:44 am

    من قضية مرفوعة للشاعر علي موسى


    إنت زي صدام العراق الهدد أمريكا وروسا


    ما قادرين يعبروا الجو ما بتتعدى ناموسة


    لينا مركب ضايعة غرقانة وقاضي القضية ود
    موسى


    داير أوريك كلاما صاح ما تجيك حجة معكوسة


    من ورشة دكوي برميل المسامير فيها مرصوصة


    سمحة وليها مقدافين ما ها حراز عقاب سوسة


    حقها كان مكنة تكون إتنين زاوية جاغوسة


    أوضح ليك عن المفقود عمة وجزمة دابا ملبوسة


    هو طبعا جايي من السوق في حاجات تانية مدسوسة


    لو عايز تزيد تأكيد الحلة أمسك رؤوسا


    شيخ الحلة هو الملزوم يجيب الخصم ويكوسا


    هم يا شيخنا في القصة لا تكون نسوة مدروسة


    أوضح ليك كتير وكتير هي مركب شعب موروثة


    مركبنا إنقطع عيشا وإتجدعت براطيشا


    دي قسمة الباري موكيشة وهاشم بلغ وأخد بقشيشا


    قالو كلمة صيطة تحريشة الله يلعن أبوها
    دي العيشة


    هو كجرا زي الدحيشة لامن حرقو خربيشا


    لبيب الدار طلب فيشة


    والشعراء طنة درويشة


    ماسكو تحري شاويشا كوع وجبد الشيشة


    جنودم قابضة متريشة منظمين ما مليشا


    قامت حملة تفتيشة ضايعة الجزمة ما فيشة


    كيف رجعت العمة تلويشة ولوت بنطونا في الريشة


    هي اصلها شاحنة تكويشة ولا داقشة الشدرة
    في ريشا


    ما بندورلو النبيشة أما قاسي الورثة ترطيشا


    رفت الورثة معليشا ندي أوتارا نقيشة


    فرقة الكور وصل جيشا وشايلة الدبسة ورنيشا


    هسع بين الشعرا شيش بيشا نقاش ما ولعوا
    النيشة


    ****


    جيتك في مهمة وما تقول خبار


    رسلني اللبيب وأداني ليك إنذار


    لا قدرت النسب وما حسب للجار


    تشيل خط اللبيب بي حالو تدي النار


    مغرق عمتك والحقة والفرار


    قلبك حدثك داير تقاوم التيار


    تقلع في الشدر الموجو هدا السار


    مكجر ما غرق كاربلها السدار


    انا ما بغني أكشف الأسرار


    بكسر الحطب ساكت وأهب النار


    ****


    بطلب من الشعرا يجرو النم


    لاجيت إعتذرت ولا ضبحت الرم


    إن رضيت وإن بقيت طرم


    غرقان مخربش حتى كابي الدم


    ****


    قال صاحبنا العزيز أنا أمرو بتبناهو


    مهما يكون غلطان البينا ما بننساهو


    من غير النسب صلة الرحم لاماهو


    هو اليد اليمين لا يمكن إتناساهو


    هو ما جاييني مخصوص طبعا بجيبو جناهو


    أنا قايل بي يعتذر أمن يلوم في الجاهو


    بس حرق الخطاب بطال يزيدو خطاهو


    يعني عشان مفتاح قعيوة الضاع شن معناهو


    سعل منو أم دريقة وقالت معاي خاتاهو


    بس قوام تجوهو خايف الصقر ينهاهو


    أما مركوبو الظريف الدبسة كان لابساهو


    والعمة أخدت صعيد عكس العرق شاقاهو


    صرفت للجزاير تيار البحر تابعاهو


    صاروخ روسي بنطون ابو حمد قاصداهو


    أسباب العطل في الريشة كان لافاهو


    الموضوع بسيط لو إنت تتلافاهو


    البنطون بي يسير وعثمان بي يخلي غناهو


    أنا أشاور شيخ دقاق لا يمكن إتحداهو


    أطلب منو توكيل في المهم أقضاهو


    وهو لو رضى وامتثل موضوعي بي ننساهو




    _________________
    من مــــــــلاوي بهديكم سلام بالجملة
    في ام ضحيان هناك مركز رئاسة الحملة
    بدرا في السما حاتـكون اكيد مكتملة
    شاحــدك بالخلق اطراها قول بسم الله
    avatar
    الرشيد عبد المعروف صديق
    مشرف المنتدى الإسلامي

    عدد المساهمات : 219
    تاريخ التسجيل : 20/05/2009
    العمر : 68

    رد: مقطفات من أشعار شاعر الرباطاب النحاس

    مُساهمة  الرشيد عبد المعروف صديق في الإثنين مايو 10, 2010 11:40 pm

    ود الملاوي صباحك خير،
    الحكاية شنو؟؟
    الناس ديل عندهم مركباً غرقانة والا شنو؟
    حاولت أفهم الموضوع لقيتوا كلوا عمة وحقه وخربيش،
    على كل حال موضوع جميل بس نحتاج لخلفية عشان نعيش في الزمان والمكان.
    لك ودي.

      الوقت/التاريخ الآن هو الأحد أكتوبر 21, 2018 11:47 am