رباطاب اون لاين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

4 مشترك

    الشهاده السودانيه

    avatar
    الفكي مكي


    عدد المساهمات : 3
    تاريخ التسجيل : 30/03/2010

    الشهاده السودانيه Empty الشهاده السودانيه

    مُساهمة  الفكي مكي الثلاثاء مارس 30, 2010 5:59 am

    امتحانات الشهاده السودانيه
    ===============


    الشهاده السودانيه تجري الان امتحانتها
    نسال الله التوفيق للمتحنين من جميع الرباطاب
    واسال الله التفوق لمدارس الرباطاب
    وعلي الاسر تهيئه الجو المناسب للطلاب
    فهي مرحله هامه في حياه الطالب
    ومنها التحديد الحقيقي لمستقبل الطالب والطالبه


    الشهاده السودانيه
    الشي دي زمان كان عندها شنه ورنه
    حسي بقت ما عارف ما زي زمان
    زي ما اي حاجه بقت ما زي زمان


    ولا كبرنا نحن عليها امكن كدي

    طرائف عديده لي مع امتحان الشهاده

    عرف عني انني لا احب المذاكره
    بس الشيئ الفي راسي من شرح الاستاذ بخش بيهو الامتحان
    وهذه عاده طبعه ما سمحه
    المهم يا زول يوم امتحان الاسلاميه
    في عطبره
    وكان المقرر فيهو الحجرات والنور
    وطبعا فيها ايات ادب الزياره
    وطبعا ورد في هذه الايات ان الزياره بعد صلاه العشا مكروه
    وكان عندي ود عمنا اشتهر بالردود الرباطابيه
    اسمو سفيان عبدالله - ندي الخلوات-
    وامه ام سلمه السجاد الشيخ

    ممتحن كان معاي برضو
    انا في بيتنا في حي المطار
    وسفيان مع ناس خالتو في حي الشمالي

    قمت من بيتنا بعد صلاه العشا وباكر الامتحان
    ومشيت قلت اراجع حبه مع سفيان
    فقلت له اداب الزياره يا سفيان راجعه ميه الميه جايه
    فرد لي نعم صاح
    فقلت لها عددها لي عشان نراجعها سويا
    فبدا يعدد في اوقات الزياره المكروه
    وعندما جاء في الزياره البعد العشا
    قال لي
    ومن ضمن الزيارات المكروه
    الزياره بعد العشا
    زي زيارتك دي حسي لينا


    فضحكت شدييييييد

    وخشيت الامتحان لقيت السؤال قاعد

    وبالطبع جوابته تمام
    ولن انسااااه ابدا


    شكر وتقدير
    =======

    في هذه اللحظات لا بد ان نحي الاخ عبدالقادر الخزين
    ابن عمنا وعالم الاثار المعروف
    فهو مؤلف مذكرتي الناطق في البلاغه والمقال في التاريخ
    طبعا الان المقرر تغير

    عبدالقادر كان بوكسيهو ملان مذكرات اي زول عندو زول ممتحن يعطيه
    المذكرات هديه

    شكرا عبدو
    ود الملاوي
    ود الملاوي
    المشرف العام


    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    الشهاده السودانيه Empty رد: الشهاده السودانيه

    مُساهمة  ود الملاوي الثلاثاء مارس 30, 2010 6:08 am

    نسال الله التوفيق والسداد لجميع الممتحنين
    ويا الفكي مكي ربنا يديك العافية رجعتنا الى الزمن الجميل وكت كان همنا فوق غيرنا وهم غيرنا ما شغالنبوا
    وانا اذكر في سنة 92 -93 بالحصاحيصا ومعي اخي وحبيبي الاخ حسن عبد الرحمن من قرية العبيداب ما بدينا المزاكرة الا لامن اتكربنا خلاص وفضلن بس شهرين على الامتحانات لكن كنا بي نشيل الليل صباحي كفتيرتنا وشاينا وسكرنا جمبنا وكمان الغريبة اجرنالا معهد هناك نزاكر فيهو بالليل والايجار كان انو نغفروا ليهم لان الغفير بتاعو اخدلو اجازة طارئة وما لقوا زول يحرسو فبقت علينا يموت حمار في سعد كلب
    امتحنا من الثانوية القديمة بالحصاحيصا والاغرب شي انو الاتنين نسبتنا كانت 76 ما عارفا مصادفة ولا من اثر الغفارة ههههههه
    الرشيد عبد المعروف صديق
    الرشيد عبد المعروف صديق
    مشرف المنتدى الإسلامي


    عدد المساهمات : 219
    تاريخ التسجيل : 20/05/2009
    العمر : 74

    الشهاده السودانيه Empty رد: الشهاده السودانيه

    مُساهمة  الرشيد عبد المعروف صديق الأربعاء مارس 31, 2010 8:41 am

    الفكي مكي وود الملاوي: السلام عليكم ورحمة الله وبركاته، فعلاً أجمل ما في هذه الدنيا أنك تتذكر الأيام الحلوة التي مرت عليك بما فيها من شقاوة أحياناً تكون هي ملح الحياة وطعمها اللذيذ، وسبحان الله أحياناً هناك كلمات ومواقف لا تنسى، أذكر كان لي أخ في الله، يدعى الخواض في السبعينات كان طالباً في أم درمان الإسلامية وتخرج قاضي، ذكر لي أنه كلما يقرأ هذه الآية: (فَكَأَيِّنْ مِنْ قَرْيَةٍ أَهْلَكْنَاهَا وَهِيَ ظَالِمَةٌ فَهِيَ خَاوِيَةٌ عَلَى عُرُوشِهَا وَبِئْرٍ مُعَطَّلَةٍ وَقَصْرٍ مَشِيدٍ) (الحج:45) يتذكر أحد أصحابه لأنه دار نقاش في هذه الآية في أثناء حلقة التلاوة، فانتقلت العدوى لي وأصبحت كلما أمر على هذه الآية أتذكر الأخ الخواض وأتذكر كلامه هذا، أسأل الله أن يتجاوز عنا جميعاً فلا أدري هل هو من الأحياء في هذه الدنيا وقد يكتب الله لنا لقاء فيها، أم انتقل إلى الدار الآخرة مثله مثل الذين سبقونا؟، لكما ودي.
    نزار باشري
    نزار باشري
    إدارة شبكة رباطاب أون لاين


    عدد المساهمات : 220
    تاريخ التسجيل : 06/04/2009

    الشهاده السودانيه Empty رد: الشهاده السودانيه

    مُساهمة  نزار باشري الأحد أبريل 11, 2010 2:37 am

    الأخ الفكي مكي
    تحياتي اولا
    لقد أعدتنا إلي زمان جميل وحتما لن يعود كانت الحياة فيه جميلة والناس علي سجاياهم لم تتمدد مساحة المدنية الحديثة في دواخلهم بعد فكان كل شي يأتي عفويا
    الشهادة السودانية وما أدراك ما الشهادة السودانية كانت حجر عثرة في طريق الكثيرين والتنافس كان شديدا ومقاعد الجامعة لم تكن تسع الكثيرين لذا كان نصيب البعض ان يهيم علي وجهه ومن اجتهد فقد أصاب وحجز مقعدا بين القوم
    اليوم امتحانات الشهادة السودانية مختلفة بعض الشي تغيرت المناهج واقحمت مواد بعينها نراها عبئا على الطالب وتضيق عليه فرص التحصيل في المواد الاساسية
    تباينت الاراء بشان الامتحان هذا العام راينا البعض سعيدا والاخر دموعه خير دليل
    نسال الله التوفيق والسداد لابناءنا واخوتنا الطلاب
    احترامي

      الوقت/التاريخ الآن هو الإثنين مارس 18, 2024 8:41 pm