بصحبة الراحل المقيم أحمد عمر الرباطابي

إبن أبو هشيم والذى غيبه الموت قبل اشهر عديده مع صراع طوييل مع المرض والدنا وجدنا عليه رحمة الله احمد عمر الرباطابي الانسان الجميل بفنه وبرسالته الرائعه والتي بدات بالربوع ثم ختمت بماهو اجمل منة ذلك ومع هذا العطاء الثر لم ينل الرجل حظا من الشهرة اللهم الا قصيدته الجميله والتى ترنمت بها عقد الجلاد ويطربنا بها راديو امدرما ن امسية كل جمعه
هنا سنوثق لاحمد عمر الرباطابي
وساهديكم اليوم كلمات إحدى اغانيه
المذود نارى كلمات والحان واداء احمد عمر

المذود ناري وين نلقاك تانى
الوان الورود في خديدك
يالنمت وجدعت وريدك
حالة جميله والله يذيدك
ويا قلبي الفقدت غميضك
قلبي انا من زمان بنريدك
وحياة روحي وحياة ريدك
ايام الله كلها عيدك
ويا طبيبى شفائى في ايدك
ليه مجافي قلبى اسرتو ليه من بدري
ما انذرتو ابانى النوم علي جسرتو
ريدك كامله ما فسرته
يالمذود نارى وين نلقاك تانى
وين عطفك على يا غالي
يا مجافينى وشاغل بالي
اصحبنى السهاد طوالى
نجوم الليل بعرفن حالي
محبوبى الدوام بطراك
ويالشاغلنى انت براك
كلما اتوب واقول انساك
اوجد قلبى شايلو معاك
شوفتك يا ملاكى وروحى
تشفيى انا وتبري جروحي
وحبك يا بلابل دوحي
دة شى مكتوب على في لوحى
يالمذود نارى وين نلقاك تانى
ولنا عودة لنواصل روائع احمد عمر في المره القادمه ترقبوا يالقمرى المظلل بورق الاراك قولى حبيبى متين اراك

ما زلنا نواصل مسيرة التوثيق للراحل المقيم احمد عمر الرباطابي
القمري المظلل بورق الاراك


القمري المظلل بورق الاراك
روح لحبيبى وقولو متين اراك
يالمقرون حاجبك ناصب لى شراك
بيعك في المحاسن والارواح شراك
يا شاغل بالي وحائس انا بوراك
سيب النوم ورجع قلبى الطاش وراك
يالدر المنظم عقدك والفك
والعناب مكنتل لخضرة شفاك
عيد النظرة داوى الجرح الماخفاك
الصد والتذلل والهجران كفاك
يالظبيه الموكل وسارح بهواك
عندك جوز قنابل بس غير هداك
الصدر المقبقب يالضامر حشاك
من ميلة ضميرك فرع البان شكاك
بسهم الرشارش جوة جروحى شاك
اصلك لودار اعمارنا الله نشاك
يالفرع المفرهد فى روضة نداك
شعرك ليلو ولع ولع نور هداك
ليه ما تشيل قلبي وروحى تروح فداك
الردف المرجح يلعب بحداك
يا جدى السمائم ظل الغيم رعاك
راتع فى الخمائل وقانص ما كفاك
لماساة قلوبنا مالشى الدعاك ؟
ارجع من هزارك وجيب قلبي المعاك
شائل فكري حائر فى النور ملاك
من بهجه محاسنك اتامل هواك
عبد الحافظ ابشر نجم الحظ لقاك
عيش بين السرور واتمتع فى صفاك
وللحديث بقيه
يتبع

لاتزال ضاحية أم مردي بريف أبو هشيم الرباطاب يلفها الحزن ويخيم عليها السكون كلما أتت سيرة وذكري الراحل المقيم أحمد عمر الرباطابي والذى عطر سماء تلك المناطق والديار بأغنياتة الشجيه ومواقفه الرائعه والتي باتت مضرب مثل للكثيرين من أبناء منطقة الرباطاب يستشهدون بها دائما فقد عرف عن الرجل ذكائة الشديد وحضورة الدائم وأتسم بروح الدعابة والطرافة
ولعل الراحل المقيم من أشهر فناني منطقة الرباطاب والذين هم يحصون علي أطراف أصابع اليد الواحدة
ولا أكذبك القول صديقي إذ أني بدات اشك كثيرا في أن ما يسمي بلعنة الفراعنة قد أصابت قبيلة الفنانين في بادية الرباطاب الجميلة فقد رحل أحمد عمر قبل عام تقريبا وسبقه الفنان الشاب فنان منطقة كرقس فتح الرحمن الوقيع والذي سنتحدث عنه لاحقا وهو الذي شدا باغنيات جميله من كلمات السر الماحي شاعر الرباطاب وابن منطقة ندي , ثم فنان ثالث وآخر وليس أخير غيبه الموت أيضا قبل أسابيع وهو الذىت كان يعتبر خليفة ود الوقيع في منطقة كرقس وامكى لكن الموت عاجله هو الأخر وهو الفنان ود الأمير علية رحمة الله لايزال تلفزيون السودان يستدعي اغنيته بين حين وآخر كلما كان الحديث عن الرباطاب رائعة السر الماحي ( سرحن بي عيونك وياما كتير سرحن منهن أستحينا وابن يستحن)
رحل كل هؤلاء لتخلو ساحة الرباطاب إلا قليلا من الذين اسماهم احمد عمر بالهواة
وعودا علي سيرة الرجل والذى اتسم بكثرة انتاجة الفني والذى لم يج طريقه للتوثيق والتسجيل عبر الاذاعه اللهم إلا اغنيه الربوع والقمرى المظلل بورق الاراك ومع هذا فقد اكتسب احمد عمنر خصوصيته فى ألاداء والاجادة إذ أنه لم يعرف عنه أنه قلد أحدا ومعظم أغنياته من تاليفه وألحانه
عموما ورغم بعدى عن الديار إلا أنى ساحاول جاهدا التوثيق له هنا ويرجى علي كل من يعلم شيئا عن احمد عمر إفادتنا به

المتاكي العمار فوق قيف
شايل الندي ايام صيف
قولو لي كيف؟
لمن يجيهو خريف
شايله نداها يانعه لطيفة
والورتابة ماها رهيفة
قولو لي كيف ؟
لمن يجيهو خريف
أم كوديبة ارضك عافية
شوفتك لي هبوب الغافية
ساقيك نيلا مويتو صافية
والحاسداك قلوبا جافية
ممنوعة ومقفل بابة
ما عرضوها لسبابة
من أرض الشمال تيرابة
خلق وإتقلد ورتابة
خطير النظرة ما بيرضابة
والناس قالو بأسبابة
مافي مثيلة في وادينا
بس شبه الارايل عينه
قولو لي كيف ؟
لمن يجيهو خريف
صدفة لطيفة وإتلاقينا
ثوب الحشمة لساقينا
بسماتة زى بروق االعينة
وحاجبها دورو البارينا
محبوبة كلما جينا
أمك ما بترحب بينا
قولو لي كيف ؟
لمن يجيهو خريف
متفاهمين علي البينا
بس ربك يهون لينا
حتى البادية بعربانة
زيها اصلو ما لاقانا
بالسكة الحديد واللورى
من حلفا القديم للحوري
أسمحك أقدمك بدورى
للعبادي يحكي شعوري
قولو لي كيف ؟
لمن يجيها خريف
المتاكيه العمار فوق قيف
شايل الندي ايام صيف

الهالكني تقديرو
الهالكني تقديرو
فى الكون ما بشوف غيرو
جمالك غلب أوصافي
ولونك يا ملاك صافي
لكن يا روحي لا تجافي
وشوفك للفؤاد شافي
يا قمري البغني عليك
ويا سمري البطرب بيك
يا روحي بس راجيك
وأنظر لجمال خديك
عيونك زى عيون الصيد
خدودك طبعو فوقها الريد
إنت الفي الفؤاد وحيد
شوفتك يوم هناي وعيد
طبعك يا ملاك هادي
ووصفك حير الشادي
ساكن في قري وبوادي
قريب لسنجة بغادي
شايل برقو عبادي
ظبيا يرعي في وادي
الروح دائما عليه بتنادي
يفر يشرد مني لغادي
مابقدر أخليهو
حياتي ومتيم بيهو
الهالكني تقدير
وفى الكون ما بشوف غيرو
طبعك يا ملاك هادي
وصفك حير الشادي
يتبع