رباطاب اون لاين

منتدى يحوي تراث وثقافة وارث قبيلة الرباطاب بشمالي السودان وتتسع فيه دائرة المشاركة لجميع السودانيين باختلاف مواطنهم

رباطاب اون لاين ترحب بكم وتدعوكم للتواصل واثراء ساحتها بالحوار الجاد تعريفا بالمنطقة
رباطاب اون لاين تحتفل بمضى ثلاثة أعوام علي تأسيسها وتزجى التهانئ الحارة لكل أعضائها مذيدا من العطاء وإلي الأمام نحو آفاق ارحب
رباطاب اون لاين تطلق ندءا لكل أعضائها المنتشرون في سوح الارض قاطبة بالمشاركة والتفاعل في محاولة جادة للارتقاء بالشبكة رفعة واسهاما في نشر ثقافة الديار وعكسها بوجه يشرف المنطقة وحتى يتسنى للاخرين معرفة ثقافة تلك المنطقة هو نداء للاحبة ان يتدافعوا للمشاركة واحياء المنتدى

    رمضان زمان في الرباطاب هل ما زال

    شاطر
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رمضان زمان في الرباطاب هل ما زال

    مُساهمة  ود الملاوي في الأحد أغسطس 23, 2009 6:10 am

    من قبل رمضان باسابيع تتشبع انوفنا بعطر الزريعة اولا والحلو مر ثانيا وفي اول ايام رمضان اكثر ما يلفت انتباهك صباحا حلل وقدور البليلة المدفونة بالبعر والدخان ما يديك الدرب العصر تلقا غالبية الشباب في البحر يستحمو ويتجهزوا للفطور ، البرميل ضرب ولا لا الكل يرهف السمع والحبوبات كل واحدة شايلة تمرتا في ايدا وكباية الموية في ايدا التانية وتكورك ياولاد ما تجوضو خلونا النسمع البرميل .

    البرش والللمة الجميلة هل ما زال رمضان عندنا في الرباطاب كما كان
    اتمنى
    avatar
    الرشيد عبد المعروف صديق
    مشرف المنتدى الإسلامي

    عدد المساهمات : 219
    تاريخ التسجيل : 20/05/2009
    العمر : 67

    رد: رمضان زمان في الرباطاب هل ما زال

    مُساهمة  الرشيد عبد المعروف صديق في الأحد أغسطس 23, 2009 1:40 pm

    الغالي ود الملاوي: لك مني أجمل تحية، رمضان كريم، رمضان كريم دي كانت مكتوبة في الكواري وما بداخل الكواري يعلم به الله، قالوا واحد من الهدندوة شاف الناس قاعدين يفطروا وقدامن الكواري مغطيات قال لهم أدوني من دي أول ما ضاقه قال ليهم دا شنو قالوا ليه حلو مر، قال ليهم أدونوا من دي يعني التانية لقاها برضوا حلو مر قال ليهم من "الحلو مر الحمد لله" الأخ عايز يغير ولكن هيهات، إنت يا ود الملاوي لحقت على البليلة البيدفنوها في الواطه مع بعر الغنم نحنا دا جا بورانا إنتو حضرتوا زمن النعمة قالوا لينا البليلة بقت ذي الفرصة، يا سلام، أنا تلاتين سنة ما صمت في السودان وطبعاً قبل التلاتين كان صيامي في العاصمة أما البلد دا كلام قديم لكنه كأنه اليوم قدامي والناس الكانوا بيفطروا معانا بذكرهم كأنهم قدامي، لك الود والتحية.
    avatar
    ود الملاوي
    المشرف العام

    عدد المساهمات : 357
    تاريخ التسجيل : 09/05/2009
    الموقع : الدمام - السعودية

    رد: رمضان زمان في الرباطاب هل ما زال

    مُساهمة  ود الملاوي في الإثنين أغسطس 24, 2009 1:03 am

    العم العزيز الرشيد
    والله نحنا ماني جدادا بلحيل حضرنا كل مراحل تطور البليلة في العصر الحديث من الحطب والكريق لي الجمر لي البعر والملالة بس الظاهر الان الشغلانة جابتلها بتجازات وغاز ودا ما رجينا تغير البليلة بتغير الازمنة دا خير وبركة وتيسير على اماتنا واخواتنا هناك لكن اتمنى انو الناس هناك يكونو ما طورو البرش واللمةوغيروها للفطور جمب التلفزيونات اتمنى ذلك اذكر ونحن في الجزيرة كرقس في حلة ود المك والصلحاب بنفطر كلنا في ديوان العمدة فرح الملاوي تقريبا حوالي 11 اسرة وكنا نحن الشباب طبعا موكلنا الجري والشاي يا ولد والبن يا ولد ودايما نفطر في الطرف عشان نكون جاهزين للمراسيل الفطور ثم الصلاة ثم حكايات جدودنا واعمامنا وونستم التي كانت مكمل اساسي لبرش رمضان
    الله على ذلك الزمن الجميييييييييل
    avatar
    الرشيد عبد المعروف صديق
    مشرف المنتدى الإسلامي

    عدد المساهمات : 219
    تاريخ التسجيل : 20/05/2009
    العمر : 67

    رد: رمضان زمان في الرباطاب هل ما زال

    مُساهمة  الرشيد عبد المعروف صديق في الإثنين أغسطس 24, 2009 1:33 am

    الغالي ود الملاوي: لك مني أجمل تحية، أذكر في الأيام ديك، كان الفطور في ديوان الوالد وطبعاً كل واحد يجيب البليلة والحلو مر، الوالد عليه رحمة الله كان الوحيد المابفيطر بالبليلة حجته إنه ما ممكن يصوم اليوم كله وبعدين يفطر على البليلة، تحت تحت كان الجيران بيفتكروه متفلسف، وما بيحاولوا ولو بالمجاملة أن يأكلوا معاه في صينيته جرياً على العادة المتوارثة أباً عن جد في الفطور بالبليلة، لكن سبحانه الله جاء التلفزيون وقطع شك اتغير الحال وبقى الناس تفطر بالأصناف الموجودة في البلد بدلاً عن البليلة، غير أن البليلة أصبحت نوعاً من الوجبة المكملة للصينية يعني مسكينة أصبحت زي التحلية،أنا في انتظار قفشات الغالي أبو سعود أكيد عنده العجب العجاب وإلى أن تصلنا منه مشاركة تصوم وتفطر على خير، لك الود والتحية.

    تخريمة: أشكرك على تكبير الخط باقي الهنايات ديل مرات يظهرن ومرات ما بيظهرن. والغريبة الليلة ظهرن

    ام محمود

    عدد المساهمات : 237
    تاريخ التسجيل : 18/05/2009

    رد: رمضان زمان في الرباطاب هل ما زال

    مُساهمة  ام محمود في الأحد سبتمبر 13, 2009 3:46 am

    ود الملاوي كتب:من قبل رمضان باسابيع تتشبع انوفنا بعطر الزريعة اولا والحلو مر ثانيا وفي اول ايام رمضان اكثر ما يلفت انتباهك صباحا حلل وقدور البليلة المدفونة بالبعر والدخان ما يديك الدرب العصر تلقا غالبية الشباب في البحر يستحمو ويتجهزوا للفطور ، البرميل ضرب ولا لا الكل يرهف السمع والحبوبات كل واحدة شايلة تمرتا في ايدا وكباية الموية في ايدا التانية وتكورك ياولاد ما تجوضو خلونا النسمع البرميل .

    البرش والللمة الجميلة هل ما زال رمضان عندنا في الرباطاب كما كان
    اتمنى
    لك التحية والتقدير ود الملاوي وانت تذكرنا بايام خلت ولكن
    وانعشت فينا ذكريات .... بالرغم من الذاكرة بدأت تنتعش عندما كلنا
    بين الاهل من اول يوم نزلنا فيه البلد وكانت ايام العواسة مثل مابيقولوا
    اهلنا( صناعة الحلومر او الابري الاحمر)مثلما يحلو للبعض ان يسموهه... كانت ايام حلوة
    ياود الملاوي....
    ياسيدي طقوسناالرمضانية في السودان لها سيمات مميزة يمكن تكون في المدينة بعضها في طريقها للزوال وبعضها باقي
    ولكننا نحن في الاقاليم مازلنا متمسكين بعاداتنا ( الا الافطار بالبليلة والبلح فقط
    اكيد الناس بيكون وضعوا بجانبها اشئاء اخرى ..... وتحياتي وكل عل وانت بالف خير

      الوقت/التاريخ الآن هو الأحد نوفمبر 19, 2017 9:10 pm